គម្រោង​​លំនៅ​ឋាន​ ធូរថ្លៃ នៅ​សង្កាត់​ទឹក​ថ្លា របស់​ក្រុម​ហ៊ុន​ Arakawa

ក្រុមហ៊ុនសាងសង់ ជប៉ុន Arakawa Co.Ltd, នឹងបោះទុនក្នុងទំហំទឹកប្រាក់​ប្រមាណ៧០លានដុល្លារអាមេរិក​សាងសង់​ផ្ទះតម្លៃ​សម្យរម្យ​នៅសង្កាត់ទឹកថ្លា ខណ្ឌសែនសុខ លើផ្ទៃដីប្រមាណ ១៣ ៦៨០ម៉ែត្រក្រឡា ។នេះបើយោងតាមសេចក្តីប្រកាសរបស់ក្រសួងរៀបចំដែនដី នគររូបនីយកម្មនិងសំណង់។

នៅថ្ងៃទី៨ ខែវិឆ្ឆិកា ឆ្នាំ២០១៧ ខាងមុននេះ ឯកឧត្តម ជា សុផារ៉ា ទេសរដ្ឋមន្រ្តី រដ្ឋមន្រ្តីក្រសួង​រៀបចំ​ដែន​ដី នគរូបនីយកម្ម និងសំណង់ នឹងអញ្ជើញចូល​រួមជាអធិបតីក្នុងពិធីសម្ពោធ​បើកការដ្ឋានសាងសង់​លំនៅឋានតម្លៃសមរម្យ ។

លំនៅឋាននេះ នឹងត្រូវបានសាងសង់ឡើងជា២ដំណាក់កាលដោយដំណាក់កាលដំបូង ក្រុមហ៊ុន នឹងសាងសង់អគារស្នាក់នៅរួមចំនួន 10 អគារ ចែកជា ៥ប្លុក ដោយក្នុង១ប្លុក មាន២អគារ និងមានកម្ពស់ ពី១៩ ជាន់ ទៅ២៣ជាន់ មានបន្ទប់ស្នាក់នៅសរុបប្រមាណ ២ ០០០ បន្ទប់។

គួរជម្រាបផងដែរថា ក្រុមហ៊ុនជប៉ុន Arakawa គឺជាក្រុមហ៊ុនដែលបានទិញអគារប៊ូឌីញស ហើយគ្រោង ចំណាយទឹកប្រាក់ប្រមាណ ៨០លានដុល្លារអាមេរិក ដើម្បីសាងសង់អគារថ្មីមានកម្ពស់ ២១ ជាន់ ។

Leave a Reply

Your email address will not be published. Required fields are marked *